AS Roma-ah Federico Fazio

Serie A club Roma chuan Tottenham Hotspur aṭanga Federico Fazio lalut turin Premier League club hi inremna an neihpui a, a man zat tur erawh puanzar a ni lo thung.

Kum 27-a upa defender hian season hman zawh takah khan Serie A club hi loan-in a zawm a, inelna hrang hrangah match 48 inlan sakin league-a pahnihna dinhmun an luah theih nan a thawhhlawk hle.

Argentine defender hian kum 2014 khan Sevilla aṭangin Spurs hi a zawm a, kum li cham turin contract a ziak. Mahse, Premier League-a a match hmasa berah red card pek a ni a, Spurs-ah beisei a phak loh chhunzawm avangin Italy lam a hawi ta a ni.



Share this Post

Login to comment
No Comments