Fabregas a la chiang lo

Arsenal-a a wmlai aṭang tawhin Cesc Fabregas-a chungchangah thu inkalh lian tak tak a awm fo tawh a, tunah pawh he Barcelona midfielder hian chanchin inkalh tak tak a nei.

Arsene Wenger chuan Fabregas hi a chhuah a rin loh thu a sawi a, Barcelona director Andoni Zubizarreta phei chuan Manchester United-in fanregas hi lei an tum ngam tawh lo ni hialin a sawi. Hetihlai hian United hian Fabregas lei tumin Barca hi dawr leh an la tum cheu niin British media lam chuan an tarlang.

Fabregas-a siam liantu, Arsenal manager Arsene Wenger chuan, "Ka hriat ve chinah chuan Fabregas hi Barcelona-ah kum khat chu a la châm dawn a, hei hi ka thudawn ve dan a ni. Hei hi a lo danglam tawh a nih chuan ka hriatpui lo a, ka hriat ve dan chuan Barca hi a chhuahsan dawn lo tih a ni," a ti - a chhuah hmel lo hle.

Barca director Zubizarreta phei chuan, "Cesc kan nei hi kan lawm a, season tharah pawh ani h kan chhawr zel ang. United hian kan dinna hi an hre chiang a, chuvangin lei tumna pawh an nei tawh lo," a ti a, Nou Camp-ah a châm zel dawn a nih hmel hle.

Media report dan ve thung chuan United-in Fabregas hi lei chhuah theih an inring a, 'thil hriat' an neih avangin Barca hi a vawi thumna atan dawr leh an la tum cheu. David Moyes berin August 31 hma ngeiin 'player lian tham' lak an tum thu a sawi a, hei hi Fabregas a nih ngei an la ring ve fan a ni.


Share this Post

Login to comment
No Comments