Fans ṭha ber Liverpool & Dortmund

FIFA Awards-ah fans ṭha ber thlanna neih a ni a, Liverpool leh Borussia Dortmund fan-te chuan he chawimawina hi an indawn ṭawm. Reds leh German club te hi April 2016 khan Europa League semifinal-ah an inhmachhawn a, team pahnih inkhel hi Hillsborough chhiatna avanga Reds fans 96 zet an thih champha vawi 27-na a thlen hma ni chiah a ni.

Liverpool-in 4-3 (5-4 agg) a inlehthalna ropui an lantirna inkhelah hian inkhelh ṭan hmain Reds leh Dortmund fan-te hian club pahnihin hla chuam atana an neih 'You'll Never Walk Alone' chu lungrual takin an sa rual a, Hillsborough chhiatna avanga nunna chan mi 96 te tana an zai thawm hian Anfield a luah hneh hle. FIFA lam pawhin hei hi hmuh hmaih lohin club pahnih fan-te hi FIFA Fan Award a pe ta a ni.

Dortmund chuan he chawimawina hi Hillsborough chhiatna avanga nunna chan mi 96 te tan an hlan thu an puang nghal a, club pahnih hian he award dawng tur hian Euro 2016-a Iceland-in quarterfinal an luhna kawnga pawimawh tak Iceland fan-te leh Feyenoord nen an inkhelh ṭuma an khingpui fans, cancer natna avanga hospital a hun hmang mek naupang rual hmaa teddy bear tam tak vawmtu ADO Den Haag fan-te an khum.



Share this Post

Login to comment
No Comments