Thlasik chawlh chhuan lam theih a ni lo - Hummels

Bayern Munich defender Mats Hummels chuan Champions League last 16-a Arsenal nen an inhmachhawn tur chungchangah thlasik chawlh an nei bik chu an tan a ṭhatna tur a awm chuan loh thu a sawi.

Bundesliga hmahruaitu Bayern hian nikum krismas hnuah match an la nei leh lo a, hetihlai hian Premier League lamah chawlh a awm ve loh mai bakah an inkhelh tam hun a ni thung. February 15 hian Allianz Arena-ah club pahnihte hian first leg an khel ang.

Germany international Hummels chuan, "Arsenal leh keini hi chuan inkhelh dan kalphung kan nei a, kan intawn hunah pawh kan ṭhat dan berin kan inhmachhawn mai ang.  Chawlh kan neih laiin anni lamin thlasik chawlh an nei ve lo hian kan inkhelh turah nghawng a neih ka ring lo," a ti.

Pep Guardiola thlaktu Carlo Ancelotti-a'n beisei anga season a hmang ṭha dawn loa a lan hnuah nikuma an match hnuhnung parukah hnehna an chang vek a, tunah hian league-ah point thumin RB Leipzig lakah hma an hruai mek. Kumina an league match hmasa ber atan Janaury 20 hian Freiburg an hmachhawn ang.



Share this Post

Login to comment
No Comments