Kum 1986-a Sweden PM thattu puang

Sweden prosecutor-te chuan kum 1986-a an ram prime minister hlui, Olof Palme thattu hming an puang. 

Palme hi Stockholm-a cinema a en zo, a nupui nena kea an haw laiin a hnung lamah kah a ni. He pawikhawihna thlenna hi kawngpui lun lai ber niin, a kaphlumtu hi a tlanchhe nghal a ni.

Pawikhawihna thlen dan hi kum rei tak chhui a nih hnuah, chief prosecutor Krister Petersson chuan tualthattu hi  Stig Engstrom a ni a, Skandia insurance company-a a thawh avangin 'Skandia Man' tia hriat bawk chu a nih thu sawiin, kum 2000 khan a intihlum tawh tih a sawi. Left-wing hruaitu Palme hi a policy-te a duh loh avangin a that nia sawi a ni. 

Tualthattua rinhlelh zingah pawh Engstrom hi telin thu zawhfiah zingah pawh a tel a, mahse Palme hi a bawihsawm niin a sawi thung. Palme thah chungchangah hian mi pakhat chauh man a ni a, mahse finfiahna a awm loh avangin a ni pawh chhuah leh a ni.