Twitter feature thar 'Fleet'
Microblogging site Twitter chuan feature thar 'Fleet' an hman ṭan thu tarlangin India rama Twitter hmangtute pawhin he feature thar hi an hmang thei tawh a ni.
Hemi hmang hian Jack Dorsey-a social media giant hian Snapchat, Instagram, Facebook, leh WhatsApp-te huang lo dai tawh, darkar 24 chhung 'story' an dah theih ang chu a ti ve thei dawn ta a, Twitter 'boring' titu tam tak pawhin 'boring' an ti tawh lo deuh mai thei.
Twitter India chuan Thawhlehni khan hemi chungchang hi an tarlang a ni.
'Fleet' hmang hian Twitter hmangtute chuan post an siam thei a, mahse hei hi like emaw, retweet emaw a theih dawn lo. I follow-te 'Fleet' kha i reply anih chuan anmahniah direct message angin a lang thung dawn.
India hi khawvela 'Fleet' Feature hmang thei ram pathumna a ni a, Brazil leh Italy tih lohah chuan hmang thei hmasa ber an ni a, iOS leh Android-ah pawh a hman theih vek tawh a ni.
Twitter lamah chuan #fleets hi hashtag trending ber a ni nghal a, milar tam tak pawhin an hmang ṭangkai leh ṭan tawh a ni.