Mizoram panin haw mek

    Andaman & Nichobar Island-a Mizo ṭhalai hna thawka awm, inkhàrkhip vanga tangkhangte zinga mi 39 chu Mizoram panin an rawn haw mek. Mizote hian June 5, 2020 khan Andaman chhuahsanin, lawngin an chhuak a, June 9, Thawhlehni tlai dar 6:30 vel khan Kolkata lawng chawlhhmun an thleng. Andaman aṭanga hawte hi Kolkata an thlenin Calcutta Mizo Welfare Association hruaitute'n an lo hmuak a, ei leh in turte an pek bakah, Mizoram an pan lehna tur bus an ruahmansak. Kolkata hi Thawhlehni zan dar 9:20-ah an chhuahsan a, CMWA president Rev. JC Lalramliana'n ṭawngṭaiin a thlah. An tluan chuan naktuk tlai/zanah Mizoram an luh theih beisei a ni.