Brazil an inhnukdawk

Hmeichhe World Cup 2023 thlen dil zinga ram pakhat Brazil chu an inhnukdawk a, inelna thlen an zuam leh loh chhan hi coronavirus vang a ni - ram dang Colombia, Japan te bakah Australia leh New Zealand te chuan thlen inṭawm an la dil 

mek bawk.

Brazilian Football Confederation (CBF) chuan, "Covid-19 vangin sum leh paiah harsatna a thleng mek a, nghawng na tak a la nei chhunzawm dawn ni pawhin a lang; sorkar lam chuan thui tak ngaihtuahin inelna thlen hi a bengkhawn rih lo, FIFA hriatthiamna kan dil," a ti.

South America khawmualpuia awm Brazil hian 2014 FIFA World Cup, Rio Olympic Games 2016 leh Copa America 2019 a thleng a, hmeichhe World Cup pawh thlen leh ngei tum mah se hri leng vangin an thei dawn ta lo.