Philippine peace awards sem tur ṭhulh

Philippine-in peace award a pek ṭhin, Nobel Prize Asian version tia sawi, Ramon Magsaysay awards chu Covid-19 leng vangin kuminah a pe chhuak dawn lo. 

He chawimawina ngaih­hlut tak hi kum 60 chuang a sem tawh a, award sem hi ṭum thum a bahlahna tur a ni. Kum 1970 khan sum lama harsatna nasa tak a tawh avangin a sem lo a, kum 1990-ah lirnghing rapthlak tak an tawrh avangin sem chhuah a lo ni tawh lo bawk. 

Philippine president hlui, kum 1957-a thlawh­theihna tlaa thi ta hming chawia siam, Ramon Magsaysay awards hi mi 330  hnenah hlan a ni tawh a, an zingah hian Philippine president hlui Corazon Aquino leh Mother Teresa te pawh an tel. Nikum khan mi panga hnenah hlan a ni. 

Philippine-ah hian Covid-19 kai hi mi 22,400 an awm tawh a, mi 1,000 chuangin an thihpui tawh.