Israel-in khuahkhirhna kalpui chhunzawm dawn

Israel chuan an ramah Covid-19 kai an pun zel avangin khuahkhirhna thlah­dul tura ruahmanna a lo siamte a titawp leh vek. 

Rel service kalpui ṭan tura tih pawh ṭhulh leh a ni a, June 14 aṭanga theater leh cinema hall-te hawn tura a lo tih pawh kar khat dang khar chhunzawm leh phawt a ni ang. 

Ministry of Health-in a tarlan danin, an rama hri kai hmuh tawh hi mi 18,032 an tling tawh a, mi 298 in an thihpui tawh bawk. 

Prime minister Ben­jamin Netanyahu chuan hri kai an pun chhoh avangin, mithiamten thurawn angin hri darh tur venna kawnga hma an lak leh a ngai tih a sawi. Hri darh tur venna kawnga sorkarin dan a siamte chu zawm ṭha turin mipuite a ngen nghal a, khuah­khirhna kalpui mek chu kar leh lamah cabinet-in a ennawn leh dawn a ni, a ti.