Fans an awm tur hi a lawmawm - Mourinho

Tottenham manager Jose Mourinho chuan Premier League-ah entu an awm leh thei tur chu a lawm thu a sawi a, inkhel boruak nuam tak ang kha engtik niah emaw an neih leh ngei a beisei.

Britain ram an inkharkhip mek a, inkharkhip hi December 2-ah a tawp ang. Chumi hnu lamah chuan a hmuna inkhel entu an awm thei tawh dawn, an awmna bial dinhmun a zirin stadium chhunga lut thei zat erawh a inlang dawn rih lo.

Hrileng nasat lohna hmunah chuan entu 4,000 an awm thei tawh dawn a ni. Mourinho chuan, "Hri leng dinhmun a zirin fans neih theih zat a inang dawn lo, ṭhenkhatah chuan sawisel tur chu a awm dawn ngei mai.

"Mahse hun rei tak hnuah fans an awm leh tur hian rilru a ti lawm, player an chawh phurna leh stadium chhung boruak nuam taka an siam ang kha tem leh a chakawm takzet tawh a ni," tiin a sawi.

Mourinho kaih-hruaina hnuaiah Spurs hian season bul an ṭan fuh, league match kua an khelh tawhah point 20 hmuin hma an hruai mek. Pathianni zan dar 10:00 hian Chelsea mualah an lenglut ang.