Delhi Capitals-in final an lut

Pathianni zan khan IPL Qualifier 2 khelh a ni a, Delhi Capitals-in Sunrisers Hyderabad run 17-in an hneh a, final an lut.

Delhi captain Shreyas Iyer-a'n thutlukna huaisen siamin vuak hmasak a thlang. Sheikh Zayed Stadium-ah Delhi batsman te an che ṭha hle.

Opener Marcus Stoinis (38) leh Shikhar Dhawan (78) te inkawpin over 8.2 lekah run 86 an siam a, Delhi an dinhmun a ṭha nghal hle. Captain Shreyas Iyer (21) leh Shimron Hetmyer (42*) te an che ṭha zui a, run 189/3 an siam.

Sunrisers hmabak a hautak a, harsatna belhchhah turin captain David Warner chesualin run hnih chauh a siam. Eliminator-a team chakpuitu Kane Williamson-a'n run 67 siam mah se thlawptu a nei ṭha tawk lo a, over 20-ah run 172/8 chauh an siam.

Delhi tan bowler ṭha mi Kagiso Rababa bawk a che ṭha a, run 29 chauh pein wicket li a la. Australian all rounder Marcus Stoinis (26/3) che ṭha bawkin Delhi-in final an lut.