Tata Group-in Minute 90-a hripui kai hriat theihna test kit an tlangzarh

Tata Group health care unit atan Medical and Diagnostics chuan nimin khan Covid-19 test kit thar an tlangzarh a, he an test kit tlangzarh thar hi December thla hi chuan laboratory leh damdawi-in hrang hrangah a hman theih tawh dawn tih CEO Girish Krishnamurthy chuan nimin khan Reuters a hrilh.

Nimina Tata Group-in test kit thar an tlangzarh hi sorkar pawhin a pawmpui thlap tawh a, hemi hmang hian minute 90 chhungin test result a hriat theih nia tarlangin Chennai-a Tata plant-ah test kit hi an siam ṭhin dawn a; thla khatah maktaduai khat an siam hman dawn a ni, tiin Krishnamurthy chuan a sawi.

India ramah hian Covid-19 kai hi pung zel mah se a tlahniam ve sawt tawh hle a, nimin thleng khan mi 85,53,657-in an kai tawh laiin 79,17,373 chuan an dampui leh tawh a, 1,26,611 laiin an thihpui tawh thung.

Covid-19 hri kai enkawl dam tawh rate hi 92.56% a ni tawh a, nitina positivity rate chu 5.5% a ni.