Orleans Pelicans lakah Lakers chungnung

Nimin zing NBA regular season inkhelah Los Angeles Lakers chuan New Orleans Pelicans 120-112 in an hneh a, tun season kal laia vawi thum an intawn tawhah Lakers hian hnehna an chang vek.

Lakers tan Anthony Davis chu khup hliam vangin a inlan lo, star player pakhat zawk awm lo mah se LeBron James a la awm tho avangin buaina tur a awm lo - James hian minute 36 chhungin point 34 a neih bakah rebounds vawi 12 a la bawk.

Inkhel dangah Giannis Antetokounmpo a hmuhnawm chhunzawm, 2019 NBA MVP hian point 41 a neih bakah rebound vawi 20 ngawt a la - a team Milwaukee Bucks chu Charlotte Hornets lakah 93-85 in a chakpui.