Leipzig leh Leverkusen inhnehtawk

Bundesliga champion nih tum RB Leipzig chuan hmahruaitu Bayern Munich hnaih chilh theihna hun ṭha an neih an bawhpelh, Pathianni zan khan Leipzig hi an mikhual Bayer Leverkusen nen 1-1 in an inhnehtawk.

Red Bull Arena-a inkhelah mikhual Bayer lamin Leon Bailey hmangin minute 29-naah goal hmahruai an khung, goal luh aṭanga minute thum hnu lekah Leipzig lamin Patrik Schick hmangin an chhang let, goal dang a lut 

tawh lo. Julian Nagelsmann-a kaihhruai Leipzig hian Bundesliga match 24 khelh tawhah point 49 hmuin pahnihna an ni mek a, an chungah hian point 52 neitu Bayern chiah an awm; an inkar a la zim avangin nomawi an la beisei sang viau.