Kângmei vèn dan tur sawiho
Aizawl District Fire Prevention Committee chu nimin khan DC conference hall-ah chairman Vanlalngaihsaka, district bawrhsap hoin an ṭhukhawm a, Aizawl district-a kângmei vèn dan tur an sawiho.
Vanlalngaihsaka chuan, district dang ngaihtuahin Aizawl district-ah lo neia ei zawng an tlem avangin ram kâng bakah, ṭhál laia in kâng vèn kawngah hmalak nasat a pawimawh thu a sawi a, "Kângmei tichhuak lo turin mipui kan inzirtir a ngai reng a, nasa zawka awareness neih a ṭul," a ti.
Committee chuan, kângmei a chhuah loh nan kawng engkimah fimkhur turin mipui chah ni se, a ti a; Fire Prevention Awareness programme chu March 5, 2020 zanah Muthi khuaah hman an rél. Kawng hrang hranga mipui zirtir leh hrilhfiah dan turte sawiho a ni bawk.
Ṭhutkhawmnaah hian member secretary Kawlhnuna, Aizawl DFO-in kum danga hma lak tawh dan te, kumina hmalak dan tura State Level Sub-Committee-in ruahmanna a siam tawh dan leh thil ṭul dangte a sawifiah a ni.