Assam-ah ILP hman theih a ni lo ang : Himanta Biswa

Assam finance minister Himanta Biswa Sarma chuan Assam chu hmarchhak bial atana kalka ber a nih avangin Inner Line Permit (ILP) system chu hman theih a ni ve lo ang, tiin a sawi. 

Assam Accord Clause 6 committee chuan tun hnaia chief minister Sarbananda Sonowal hnena report an thehluhah, Assam-a ILP hman rawtna hi an telh nia tarlan a ni. 

Mahse minister chuan Pathianni khan an state-ah ILP chu hman ve theih a ni lo tih a sawi. "ILP  kan hmang ve a nih chuan, unemployment level hi a let thum zetin a pung ang. Tea sector leh oil sector-ah pawn lam mi an tel thei dawn lo a nih chuan, hna thawh tur siamtu an kiam dawn a ni," a ti. 

Himanta chuan Clause 6 committee member ṭhenkhat a kawmnaah, ILP hman rawt chungchang hi an sawi tel lo tih a sawi. Hetih lai hian mi ṭhenkhat erawh chuan committee hian ILP hman hi an rawt ngei niin an sawi ve thung.  February 25 khan committee hian an rawtna neih hrang hrangte chu CM hnenah an thehlut tawh a, CM hian union home minister Amit Shah hnenah a thawn ve leh dawn a ni.