Assam-Nagaland border boruak ṭha lo

Dimapur police-ten Assam-Nagaland state inrinaah Inner Line Permit (ILP) nei lo mi eng emaw zat an man avangin ramri boruak hi a ṭha lo hman.

Police-ten ILP nei lo an mante hi ramri bul, Assam-a chengte an ni hlawm a, heng mite hi pawisa chawitir an nih hnuah chhuah leh nghal an ni. Police-ten an man tih an hriat hian Lahorijan biala chengte chu lungawi loin mi tam tak an pungkhawm a, darkar eng emaw zat kawngpui an dang zui a ni. 

Dimapur district thuneitute chuan February 14 aṭang khan ILP hi chi thum an pechhuak a, state lam aṭanga kalte chu ILP an neih leh neih loh enfiah fo an ni.