Meizial zuk simtu Lady Gaga

Kar liam ta lawka music video thar 'Stupid Love' tlangzarhtu Lady Gaga chuan meizial zuk a sim thu a sawi.

Gaga hian ni khatah cigarette tlawn 40 lai a zu ṭhin a, mahse thawk lehkhatah a nghei nghal thut a, awm thiam pawh harsa pawh a ti hle a ni. Meizial nghei thut chu a hrehawm a ti hle a, 'thil nunrawng' tak ang maiin a sawi hial.

Apple Music New Music Daily-a  Zane Lowe-in a interview-naah Lady Gaga chuan, " Ni khatah cigarette tlawn 40-te ka zu ṭhin a,  mahse tunah chuan meizial hi ka nghei tawh. Ka nun chhalin ka sawi a, meizial ka zu tawh lo. Ka nghei hmak tawh. Thaw lehkhatah ka nghei nghal thut a, a nghei hi a harsa em em a ni. Meizial zu ngai lo i nih chuan zuk ve kher tum suh! A chhan chu a ngheina kawng hi a harsa in, a nun a rawng hle a ni. Meizial hi ka zu leh tawh ngai lo ang. A rapthlak hle a ni," tiin a sawi.