Tom Holland 'Spider-Man 3' nakkum July-ah

Tom Holland-a 'Spider-Man 3' chu nakkum July hian tlangzarh tura ruahman a ni a, Morbius trailer tihchhuah thar aṭang khan Marvel Cinematic Universe fan-te chuan MCU-a Spider-Man awm zel dan tur an hre theiin a rinawm.

Nikum lam kha chuan Sony leh MCU inrem lohna avangin MCU-ah Spider-Man kan hmu tawh dawn lo niin a lang hman a, mahse fan-te'n an ngen nasat avangte pawh a ni ang, an inrem leh thei ta a ni. Kumin nipui aṭang hian  Spider-Man 3 hi chan ṭan an tum a, a working title tur pawh 'Serenity Now' a nih thu Production Weekly issue thar berah tarlan a ni tawh bawk.

Spider-Man 3 hi July 21, 2021-ah tlangzarh tum a ni a, tunge misual tur erawh tihchian a la ni lo. 'Serenity Now' tih hi Sein­­feld (American sitcom television series) aṭanga lak a ni a, Spider-Man: Home­coming working title 'Summer of George' leh Spider-Man: Far From Home working title The Fall of George-te pawh kha Seinfeld aṭanga lak tho a ni bawk.