Mizo thuam chawilarna hun buatsaih

February 29, Inrinni khan Cod Nerc chuan Chapchar Kut lo thleng tur puala Mizo thuam chawilar nan Vanapa Hall-ah 'Exhibition Grassroot Product Marketing (Buyers Sellers Meet) an buatsaih a, ZOHANDCO chairman C Lalrammawia leh NABARD general manager SN Mallick-te'n an hmanpui.

C Lalrammawia chuan ZOHANDCO chu a tho leh mek tih sawiin, "Sorkar hmasaah khan a thi hmana tunah chuan kaihthawhin a awm leh mek, hmachhawp tam tak kan nei a ni. Puantahtuten puantahna la man tlawm zawka an lei theih nan hmalak mek a ni a, Thenzawla Yarn Depot pawh a function leh thuai dawn," a ti a, puantah quality ṭha leh mawi tichhuak turin puantahtute a chah. Exhibition-ah hian Then­zawla Ramlai Handloom Producer Organisation-te puan­tah leh Mizo thuam hrang hrang phochhuah a ni.