Lampard a lawm lo

Chelsea manager Frank Lampard tan holam taka point hnih hloh chu lawmna chi a ni lo. Blues legend chuan, "2-1 a nih tawh chuan muangchanga khelin point thum hmuh theih a ni, first half-ah tihsual kan nei chiang. A hnua mi erawh fimkhur tawk loh vangah a ngaih theih.

"Kan khingpui right back khan box chhung aṭangin goal kilah a rawn khung a ni a, kan tlarhnung tan chuan harsa lutuk loa dan theih tura ngaih a ni. Statistics ṭha chauh ni loin inkhel aṭang hian point thum hmuh theih a pawimawh a ni," a ti.

Chelsea hian goal khung tumin vawi 19 ngawt an pet a, chung zinga pariat chu goal zawnah a kal. Arsenal erawh an vannei, hun ṭha vawi hnih an neih chu goal-ah an chantir ve ve - Blues hian Gunners keeper Bernd Leno chet fuh ṭum an tawng ve bawk.