Arteta a lungawi

Arsenal manager Mikel Arteta chuan a naute khelh dana a lawm thu sawiin, "Team enkawl hna hi ka la thawk rei lo, mahse nitin mai hian khel tura ka duh ang leh an rilru put hmang ka duh ang chu ka hrilh, chumi tur 

chuan an thawkrim em em a ni.

"Chelsea khelmualah player kim lo chunga inkhelh chu a harsa, chuti chung chuan ka naute an inpekna a sangin tlawm duh lohna thinlung an nei khan min ti lawm takzet. Player tin mai khan ka duh leh beisei chu min hmuhtir a ni," a ti. Mustafi leh Luiz te pawh tisual palh thei an nih thu a sawi bawk.

Gunners hi EPL-ah 10-na an ni mek a, a sang palina Chelsea an phak lohna chu point 10 lai a ni - an tan Champions League khelh beiseina a sang tawh lo. January 27 zan hian FA Cup fourth round khel turin Bournemouth an tlawh ang.