Match 1,000-naah Ronaldo-a'n goal khung

Cristiano Ronaldo chuan matchh 1,000 a khel tling ta a, a zuitu chu Serie A match zawna goal khung rei nihna a ni. Juventus forward hian Inrinni zan khan a club chu SPAL lakah 2-1 in hnehna a chanpui.

Portugal international hian tun hnaia league match a khelh hnuhnung 11-ah goal a khung vek, hranghlui Gabriel Omar Batistuta (1994/95) leh Fabio Quagliarella (2018/19) te record a nihrual chiah; record thar siam tur erawh chuan hna a hautak dawn - an khingpui tur chu Inter Milan an ni ang.

Kum 35 mi Ronaldo hian season kal laiah club leh ram tan match 36 a khelh aṭangin goal 36 a khung tawh, a kum tam deuh tawh mah se khelmual chhungah chuan tleirawl thaza, goal khung chaka tuihal ang reng a la ni.

Italian champion Juve hian league match 25 khelh aṭanga point 60 hmuin hma an hruai, anmahni aia match khata khel tlem zawk Lazio chu pahnihnaah awmin point 56 an hmu thung.