Kolkata-ah Mizoram Art Exhibition

Mizoram sorkar Infor­mation & Public Relations department chuan New South Gallery, Academy of Fine Arts, Kolkata-ah Mizo lemziak mite kutchhuak pholanna 'Colors of Mizoram 2020 Art Exhibition' an buatsaih mek.

Exhibition hi February 21, 2020 khan Asiatic Society chairman Prof. Isha Mahammad, College of Art & Craft, Kolkata-a principal hlui­in a hawng a, February 26, Nilaini thleng a awh ang. A hawnna inkhawmah hian IPR director Lallianpuii leh deputy director K Vanlalsangi te pawh an tel a; College of Art & Craft, Kolkata-a principal Prof. Chatrapati Dutta leh Kolkata-a lemziak thiam eng emaw zat an tel bawk.

Art Exhibition-ah hian Mizo lemziak mi 24-te kutchhuak 54 pholan a ni a, chu'ngte chu pencil sketch pali, water color painting 24 leh acrylic painting 28 a ni.