KHAWTHLIR

Mizoram State Election Commissioner (SEC) atan Laima Chozah, IAS (Rtd.) ruat a ni. Hemi chungchangah hian GAD chuan nimin khan hriattirna (notification) a tichhuak a; SEC hlawh zat tur chu thla khatah Rs. 2,25,000 (fix) a ni.

Aizawl South-I bialtu MLA C Lalsawivunga chuan February 20, Ningani khan a bial chhunga kea kal thei lo mi pasarihte hnenah wheelchair a hlân. C Lalsawivunga chuan, a bial chhunga harsatna hrang hrang tawkte hnenah leh central service beih tumte leh inziak tlingte tan theihtawp chhuahpui a tum thu a sawi.

MZP chuan kuminah Tahan, Myanmar-ah Zofest vawi 9-na buatsaih an tum a, chumi buaipui chuan February thla tìr khan Yongon (Rangoon) leh Tahan-ah an kal tih an sawi a; Myanmar-a an zin 

chhunga lo dawngsawnga buaipuitu zawng zawng chungah an lawm hle tih an tarlang. 9th Zofest buatsaih tum chungchangah Myanmar sorkarah dilna a thehlut a, Myanmar sorkar hotute'n Zofest hman a nih ngei theih nan hmalak an tum thu an lo hrilh tih an sawi bawk.

Government Aizawl College (GAC) chuan nimin khan an college 

conference hall-ah Matribhasha Diwas (Mother Tongue Day) an hmang. Mahni pianpui 

ṭawng ní hmannaah hian GAC-a Mizo department leh Hindi department zirlaite'n thupui an sawiho a; Mizo ṭawng leh Hindi ṭawnga ziah lehkhabu eng emaw zat pho chhuah a ni bawk.

Nimin chawhma dar 10 vel khan Saiphai leh Kolasib inkâra tlan maxicab pakhat chu Saiphai khaw chhungah a chesual a, a hmunah Bethsy Lalhruaichhungi (6) s/o Ramchullova, Saiphai Chhimveng a thi. Thu dawn danin, maxicab hi Saiphai aṭanga Kolasib pan tur a ni a, counter-a a din laiin counter neitute fapa tlangval pakhatin maxicab chu a khalh a, counter aṭanga meter 200 vela thui a tlan hman tihin kawng kâwiah a tlan liam a, meter 50 vel a lum a ni.