SEDP-a beneficiary tur thlan zat Planning dept-in record an nei lo

Planning & Programme Implementation department changtu Zoramthanga, chief minister chuan ZPM member Lalduhoma zawhna ziaka chhangin, Planning department-in SEDP hnuaia beneficiary based project hnuaia beneficiary thlan tawh zat record an neih loh thu a tarlang.

Chief Minister tarlan danin, Planning department chuan SEDP hmanga ram hmasawnna chak taka kalpui turin project awm angin sum ruahmanna department hrang hrang thawh turin a duang a; kum 2019-20 chhunga SEDP hnuaia 'beneficiary based project' thlan tawh zat, hming, address leh trade-te Planning department-in record an nei lo.

SEDP hnuaia tender chhuahin emaw, chhuah loin emaw contract pek tawh zat, hming, address, pek zat, project hming leh a hmun chungchang pawh Planning department-in record an nei lo a; SEDP hnuaia project-te chu line department hrang hrangin an chanpual ṭheuh an khawih a ni.