Editorial
Mizoram State Prohibition Council chu tun hnai khan Excise Minister hoin an thukhawm a, MLTP Act zir chiang turin Study Group din an rawt.
Mizoramah zu khap burna dan hman mek a ni a, he dan hi tha titu thahnem tak an awm rualin, he dan hlih duhtu hi thahnem tak dang an awm. MLTP Act hi mi tam tak chuan hlawhchham let derah an ngai a, mi thenkhatte erawh chuan hna tha tak thawk rengah an ngai ve thung.
MLTP Act chungchangah hian inhnialna a tawp hleithei lo a, zu khap bur duhtute leh zu zawrh duhtute thu hi kan ngaithlain kan chhiar tam tawh a, tanna nei tawh sa inhmin khawpin thu thar a awm thei meuh lo niin a lang. Sorkar ber hun rei tak chhung a ngawi tlat a, tun hnaiah MLTP Act zir chiang tur study group din a ni a, thil tha lam a ni.
He study group hian MLTP Act hi hlih an rawt kherin a rinawm loh a, nimahsela a thatna leh that lohnate an bûkin an zir chiang turah ngai ila, rawtna fing leh tha zawk nei thei se a tha hle. Hei chen hi zu kan khap bur tawh a, kan thatpui vak loah mi tam takin an ngai a; ngaihdan dang lehah chuan zu kan khap chung pawha hetiang kan nih chuan, zu hi thlah zalen phei ila kan chhe lehzual thei ang.
Zu khap duh leh zawrh duh chungchangah hi chuan a khawi lam mah hi an inhmin thei lo a, ngaihdan hi a phir reng dawn niin a lang. State dangte angin sorkar hian zu zawrh hi lo phal tak tak ta se, tuna zu khap duh lo pawl ang tho hian zu zawrh duh lo pawlin thawm an nei reng dawn a, inhnialna tawp hleithei lo a ni ang.
Tunah chuan MLTP Act hman a ni a, zu reng reng chu a in, zawrh leh kawl pawh khap bur a ni. Heti chung hian kan khawpui lunlaiah pawh zu rui hmuh tur an awm a, mi lian deuh kal khawmnaah chuan thup lem loin ualauah zu an inin an chhawp lang reng tho a, chuvangin tuna kan kal dan hi tlema ennawn chu a tha hle.
Khauh leh zual tura rawtna pawh a awm thei a, tlema thlah dul chin deuh tura rawtna pawh a awm thei e, engpawhnise tuna kan kalpui danah hi chuan thil fuh tawk lo a awm tih chu sorkar hian pawm ngam se a tha hle.
Mizoramah zu khap burna dan hman mek a ni a, he dan hi tha titu thahnem tak an awm rualin, he dan hlih duhtu hi thahnem tak dang an awm. MLTP Act hi mi tam tak chuan hlawhchham let derah an ngai a, mi thenkhatte erawh chuan hna tha tak thawk rengah an ngai ve thung.
MLTP Act chungchangah hian inhnialna a tawp hleithei lo a, zu khap bur duhtute leh zu zawrh duhtute thu hi kan ngaithlain kan chhiar tam tawh a, tanna nei tawh sa inhmin khawpin thu thar a awm thei meuh lo niin a lang. Sorkar ber hun rei tak chhung a ngawi tlat a, tun hnaiah MLTP Act zir chiang tur study group din a ni a, thil tha lam a ni.
He study group hian MLTP Act hi hlih an rawt kherin a rinawm loh a, nimahsela a thatna leh that lohnate an bûkin an zir chiang turah ngai ila, rawtna fing leh tha zawk nei thei se a tha hle. Hei chen hi zu kan khap bur tawh a, kan thatpui vak loah mi tam takin an ngai a; ngaihdan dang lehah chuan zu kan khap chung pawha hetiang kan nih chuan, zu hi thlah zalen phei ila kan chhe lehzual thei ang.
Zu khap duh leh zawrh duh chungchangah hi chuan a khawi lam mah hi an inhmin thei lo a, ngaihdan hi a phir reng dawn niin a lang. State dangte angin sorkar hian zu zawrh hi lo phal tak tak ta se, tuna zu khap duh lo pawl ang tho hian zu zawrh duh lo pawlin thawm an nei reng dawn a, inhnialna tawp hleithei lo a ni ang.
Tunah chuan MLTP Act hman a ni a, zu reng reng chu a in, zawrh leh kawl pawh khap bur a ni. Heti chung hian kan khawpui lunlaiah pawh zu rui hmuh tur an awm a, mi lian deuh kal khawmnaah chuan thup lem loin ualauah zu an inin an chhawp lang reng tho a, chuvangin tuna kan kal dan hi tlema ennawn chu a tha hle.
Khauh leh zual tura rawtna pawh a awm thei a, tlema thlah dul chin deuh tura rawtna pawh a awm thei e, engpawhnise tuna kan kalpui danah hi chuan thil fuh tawk lo a awm tih chu sorkar hian pawm ngam se a tha hle.
Add new comment