Quarter final la lut ve ngai lo Mizoramin Santosh Trophy-a vawi thum champion tawh Railways an hneh a, vawi nga ngawt champion tawh Kerala an hneh leh a, "State dangin mi thar kan nih avangin min ring lo mai thei a, nimahsela quarter final hi tlang thei kan ni," tiin Mizoram manager Vanlalngheta chuan a sawi.
Mizoram hian vawiin tlai dar 6:00-ah Tamilnadu nen quarter final an khel dawn a, Salt Lake Stadium-a inkhel hi vanduaithlak takin TV-ah live-a en theihna kan nei dawn lo niin kan hria.
Quarter final chu
Tarlan tawh angin tunah hian team pariat chiah an dam tawh a, quarter final hi league-a khelh tur a ni a, group hnihah an inthen. Quarter final lut pariat zingah Mizoram leh Tamilnadu-te chiah hi la champion lo an ni a - Tamilnadu hian final vawi khat a lut tawh.
Mizoram hmachhawn tur team hian nikum lamah semi final an lut a, team chhe lo tak an ni. Indian club thaa khel player-te an ni hlawm a, hei vang hian Mizoram tan an huphurhawm thei a, "Railways leh Kerala hnehtu," tih vanga chak pup pup tura beisei vek chi an ni lo a; nimahsela he team naupang tak hi an inringtawk ve hle a ni.
Mizoram group kalkawng
Mizoram awmna group-a state palite inkhel hun chu hetiang hi a ni a, a sang pahnihin semi final an lut ang. Tarlan tawh angin semi final lut chin hi chu Santosh Trophy khelh leh hunah 'seeded' niin quarter final thleng sa an ni tawh ang.
An inkhelh kual dan tur a hnuaiah kan tarlang a, an khelhna hmun hi chu Salt Lake Stadium, Kolkata-ah vek a ni ang.
July 30:15.30 PM : Bengal VS Delhi
July 30:18.00 PM : Tamilnadu VS Mizoram
Aug 02: 15.30 PM : Tamilnadu VS Delhi
Aug 02: 18.00 PM : Bengal VS Mizoram
Aug 04: 15.30 PM : Delhi VS Mizoram
Aug 04: 18.00 PM : Bengal VS Tamilnadu
Team hotute thu
Coach Benjamin L.Khiangte (Didina) chuan, "A harsa kan paltlang tawh a, kan han lawm viau a, a aia harsa kan su leh dawn chu a ni phawt a, a huphurhawmna lam awm bawk mahse keini tan thil thar a ni a, a châkawm tawh a ni," a ti.
Player-te a thlira Didina chuan, "Kan naute talent neih thatzia hi tun hma atangin ka sawi thin a, tunah pawh nikum lawka Mizorama hlawh pawh nei mang loa inkhel mai mai kan player-te kha an chhawrtlakzia a lang tawh a, kan hmabak hi a êng hle a ni... kan player-te ka chhuang a, an huaisen bawk a ni," a ti.
Manager Mangheta chuan, "Mimala fak tur hriat harsa khawpin an khel tha tlang a, nimahsela sawi lan loh theih loh chu Chhuantea (Lengpui & JCT) hi a ni a, defender-a kan rinrawl a niin tharum a ngahin a chak a, a khel tha thin hle," a ti - hei hi coach Didina pawhin tawmpuiin he rawlthar hi a fak hle.
Vawiin inkhelah defender Lalchhanchhuaha chu yellow card pahnih a hmuh tawh vangin a khel thei dawn lo a, Lalhruaitluanga, Durtlang (FC Kulikawn player) chu a hmunah a luh a rinawm a; Lalramluaha inhliam a la dam lo a, a khelh a beiseiawm rih lo.
Captain leh goal khungtu
Mizoram captain Zaidinmawia Hmar chuan, "Mizo mipuite tawngtaina avangin kan lawm takzet a, a hmuna min tantute piah lamah Mizorama mite'n min tawngtaipui thute an rawn sawi a, keini pawh kan tang sauh sauh a ni. Player-te hian tumna tak tak kan nei a, disciplice chhia pakhat pawh an awm lo a, semi final luh theih chu a chakawm khawp mai...," a ti.
Pre-quarter final-a goal thuntu Beikhokhei chuan, "Ka rin aiin a boruak a lo sang a, ka tan chuan a ropui khawp mai... kan khel tha thawkhat a, nimahsela Kerala kan hneh tumah kha chuan ka beisei aiin kan khel tha lo... kan tang bawk a, theihtawp kan chhuah ang chu," a ti - Beia hian goal a thun bakah goal ban a pet per bawk a ni.
Thilpek leh TV
Mizoram Chief Minister Lal Thanhawla chuan Mizoram hi lawmpuina Rs 5,000 a pe a, ani hi MFA president hmasa ber a ni. MFA Patron KS Thanga nupui Masawmi pawh Kolkata-a a châm lai tak niin lawmpuina Rs 3,000 a hlan bawk a, MFA-in an chungah lawmthu a sawi.
Inkhel hi TV-ah an live dawn loin kan hria - a pawi hle! Kum dangah chuan quarter final inkhel chin hi an tilang thin a, phur lo zeta state dang inkhel en a tul thin kha a ni a - AIFF leh Zee Sports contract neih a tawp tawh a, inbiakna mumal a la awm si lo a, chuvangin Mizoram atang chuan live-in kan en thei dawn lo niin kan hria - thuthar a awm thut a nih loh chuan.
Mizoram hian vawiin tlai dar 6:00-ah Tamilnadu nen quarter final an khel dawn a, Salt Lake Stadium-a inkhel hi vanduaithlak takin TV-ah live-a en theihna kan nei dawn lo niin kan hria.
Quarter final chu
Tarlan tawh angin tunah hian team pariat chiah an dam tawh a, quarter final hi league-a khelh tur a ni a, group hnihah an inthen. Quarter final lut pariat zingah Mizoram leh Tamilnadu-te chiah hi la champion lo an ni a - Tamilnadu hian final vawi khat a lut tawh.
Mizoram hmachhawn tur team hian nikum lamah semi final an lut a, team chhe lo tak an ni. Indian club thaa khel player-te an ni hlawm a, hei vang hian Mizoram tan an huphurhawm thei a, "Railways leh Kerala hnehtu," tih vanga chak pup pup tura beisei vek chi an ni lo a; nimahsela he team naupang tak hi an inringtawk ve hle a ni.
Mizoram group kalkawng
Mizoram awmna group-a state palite inkhel hun chu hetiang hi a ni a, a sang pahnihin semi final an lut ang. Tarlan tawh angin semi final lut chin hi chu Santosh Trophy khelh leh hunah 'seeded' niin quarter final thleng sa an ni tawh ang.
An inkhelh kual dan tur a hnuaiah kan tarlang a, an khelhna hmun hi chu Salt Lake Stadium, Kolkata-ah vek a ni ang.
July 30:15.30 PM : Bengal VS Delhi
July 30:18.00 PM : Tamilnadu VS Mizoram
Aug 02: 15.30 PM : Tamilnadu VS Delhi
Aug 02: 18.00 PM : Bengal VS Mizoram
Aug 04: 15.30 PM : Delhi VS Mizoram
Aug 04: 18.00 PM : Bengal VS Tamilnadu
Team hotute thu
Coach Benjamin L.Khiangte (Didina) chuan, "A harsa kan paltlang tawh a, kan han lawm viau a, a aia harsa kan su leh dawn chu a ni phawt a, a huphurhawmna lam awm bawk mahse keini tan thil thar a ni a, a châkawm tawh a ni," a ti.
Player-te a thlira Didina chuan, "Kan naute talent neih thatzia hi tun hma atangin ka sawi thin a, tunah pawh nikum lawka Mizorama hlawh pawh nei mang loa inkhel mai mai kan player-te kha an chhawrtlakzia a lang tawh a, kan hmabak hi a êng hle a ni... kan player-te ka chhuang a, an huaisen bawk a ni," a ti.
Manager Mangheta chuan, "Mimala fak tur hriat harsa khawpin an khel tha tlang a, nimahsela sawi lan loh theih loh chu Chhuantea (Lengpui & JCT) hi a ni a, defender-a kan rinrawl a niin tharum a ngahin a chak a, a khel tha thin hle," a ti - hei hi coach Didina pawhin tawmpuiin he rawlthar hi a fak hle.
Vawiin inkhelah defender Lalchhanchhuaha chu yellow card pahnih a hmuh tawh vangin a khel thei dawn lo a, Lalhruaitluanga, Durtlang (FC Kulikawn player) chu a hmunah a luh a rinawm a; Lalramluaha inhliam a la dam lo a, a khelh a beiseiawm rih lo.
Captain leh goal khungtu
Mizoram captain Zaidinmawia Hmar chuan, "Mizo mipuite tawngtaina avangin kan lawm takzet a, a hmuna min tantute piah lamah Mizorama mite'n min tawngtaipui thute an rawn sawi a, keini pawh kan tang sauh sauh a ni. Player-te hian tumna tak tak kan nei a, disciplice chhia pakhat pawh an awm lo a, semi final luh theih chu a chakawm khawp mai...," a ti.
Pre-quarter final-a goal thuntu Beikhokhei chuan, "Ka rin aiin a boruak a lo sang a, ka tan chuan a ropui khawp mai... kan khel tha thawkhat a, nimahsela Kerala kan hneh tumah kha chuan ka beisei aiin kan khel tha lo... kan tang bawk a, theihtawp kan chhuah ang chu," a ti - Beia hian goal a thun bakah goal ban a pet per bawk a ni.
Thilpek leh TV
Mizoram Chief Minister Lal Thanhawla chuan Mizoram hi lawmpuina Rs 5,000 a pe a, ani hi MFA president hmasa ber a ni. MFA Patron KS Thanga nupui Masawmi pawh Kolkata-a a châm lai tak niin lawmpuina Rs 3,000 a hlan bawk a, MFA-in an chungah lawmthu a sawi.
Inkhel hi TV-ah an live dawn loin kan hria - a pawi hle! Kum dangah chuan quarter final inkhel chin hi an tilang thin a, phur lo zeta state dang inkhel en a tul thin kha a ni a - AIFF leh Zee Sports contract neih a tawp tawh a, inbiakna mumal a la awm si lo a, chuvangin Mizoram atang chuan live-in kan en thei dawn lo niin kan hria - thuthar a awm thut a nih loh chuan.