Meghalaya sorkar chuan sorkarin medical student-te a sponspor-na zat, Rs nuai 10 chu Rs nuai 25-a tihsan a remti a, hemi rual hian sorkar nena contract an ziahna palzutte hnenah hriattirna pek a nih tur thu a sawi bawk.
Deputy Chief Minister in-charge Health Rowell Lyngdoh chuan 'Medical zirlai-te hi an zir zawh hnuah, state chhunga hnathawk tura an lo kir leh ngei theihna turin hetikawnga hmalak hi a ngai ta a ni' a ti. Kumina sorkar quota-a medical zir tura thlante chuan Rs nuai 25 pekna tur bond hi an ziak vek bawk a ni.
Kum 10 kalta chhung khan sorkar quota-a doctor zir tura thlan chhuahte zinga mi 100 chuang zet chuan an zirlai an zir zawh hnuah sorkar damdawi-inah an thawk duh lo a ni. Heng zinga a tam zawkte hian bond an lo ziah tawh angin sum chu sorkar hnenah an pekir leh duh lo niin Lyngdoh chuan a sawi.
Health minister chuan kum 2001 atanga sorkar nena bond ziak tawh, mahse an inremna zawm leh duh loh, sum pe kir duh bawk si lote chu hriattirna pek vek an ni dawn a, an awmna chin hriat harsa deuh an awm a nih pawhin police puihnaa tih a ni dawn a ni, a ti. Minister chuan danin rem a tih chuan hriattirna pek tawh hnua chhanna pe duh lote chu man theih tura dil a tum tih a sawi.
Deputy Chief Minister in-charge Health Rowell Lyngdoh chuan 'Medical zirlai-te hi an zir zawh hnuah, state chhunga hnathawk tura an lo kir leh ngei theihna turin hetikawnga hmalak hi a ngai ta a ni' a ti. Kumina sorkar quota-a medical zir tura thlante chuan Rs nuai 25 pekna tur bond hi an ziak vek bawk a ni.
Kum 10 kalta chhung khan sorkar quota-a doctor zir tura thlan chhuahte zinga mi 100 chuang zet chuan an zirlai an zir zawh hnuah sorkar damdawi-inah an thawk duh lo a ni. Heng zinga a tam zawkte hian bond an lo ziah tawh angin sum chu sorkar hnenah an pekir leh duh lo niin Lyngdoh chuan a sawi.
Health minister chuan kum 2001 atanga sorkar nena bond ziak tawh, mahse an inremna zawm leh duh loh, sum pe kir duh bawk si lote chu hriattirna pek vek an ni dawn a, an awmna chin hriat harsa deuh an awm a nih pawhin police puihnaa tih a ni dawn a ni, a ti. Minister chuan danin rem a tih chuan hriattirna pek tawh hnua chhanna pe duh lote chu man theih tura dil a tum tih a sawi.