UNODC, MSACS, MFA leh Zonet tangkawp buatsaih, Red Ribbon Inter Village Football Tournament chu nimin khan AR lammualah khelh zawh a ni a, Electric Veng V/C team an champion. Tournament khârna inkhawma khuallian, Chief Minister Lal Thanhawla chuan, kumin chhungin Lammualah artificial grass cheng vaibelchhe 3 vel sênga phah hman tum a nih thu a sawi.
Chief Minister chuan, thalaite pawimawhna sorkarin a hriat thu a sawi a, "|halaite hi kan hnam ro, nakin lawka kan ram leh khawtlang hruaitu ni tur an ni a, sorkarin a ngaihtuah a, an mamawh phuhrûk turin tan a la mek a ni," a ti a; thalaite chu hmantlak ni tura inbuatsaih zel turin a chah.
Mizo thalaite chu hmanraw tha neih loh vang chauha infiamna lama khawvel déng chhuak lo an la nih thu sawiin Lal Thanhawla chuan, "A hmun leh hmanraw an neih theihna turin sorkarin theihtawp a chhuak mek a ni, " a ti a. Lammualah kumin chhung ngeia airtificial grass cheng vaibelchhe 3 vel sénga phah hman tum a nih thu leh, thlang lam panga pavillion chu sawn hlat deuh a, tihzauh tum a nih thu a sawi.
Chief Minister chuan, "Khawvela hmun ralmuang ber kan nih theih nan leh ram hmasawn chak kan nih theih nan thalaite an pawimawh a ni," a ti a; ram dang mi dan loa Mizorama awm, Mizoram eichhetute chu, neitu nihna rilru pua rinawmna leh dikna nen danin a phal chinah do turin kalkhawmte a sawm a ni.
Lal Thanhawla chuan, HIV/AIDS-in Mizoram a tuam hneh tawh hle tih sawiin, "Mizoram min rûn a, thalai mai ni lo, nu leh pa pawh an bâng tawh lo," a ti a; HIV/AIDS do turin thalaite'n theihtawp an chhuah a tul thu a sawi.
Inkhawm kaihruaitu, Health Minister Lalrinliana Sailo chuan, HIV/AIDS do chu mi tin tih tur a nih thu a sawi a, "HIV/AIDS tirêm tur hian theihtawp kan chhuah a tul tak meuh meuh a ni," a ti a, mipuite HIV/AIDS do turin chhia a chhamtir bawk a ni.
Khualzahawm, Sports Minister Zodintluanga pawhin, Mizo hnam dinchhuah duh chuan sualna chi hrang hrang huai taka an do a tul thu a sawi a; Red Ribbon Football chuan HIV/AIDS dona kawngah rah tha an tak a chhuah a beisei thu leh ruihhlo leh mipat hmeichhiatna tel loin nun hlimawm a hman theih thu a sawi bawk.
UNODC-a HIV Advisor (South Asia) Guna Shekhar leh NACO-a Regional Communication Officer, Phungreiso Varu te pawhin thu an sawi a, Red Ribbon Football chu ropui an tih thu leh player-te HIV/AIDS laka fihlîm tura intiam thahnem tak an awm chu lawmawm an tih thu an sawi a ni.
Tournament kharna inkhawmah hian Home Minister R.Lalzirliana pawh telin champion lawmman a sem a; Parliamentary Secretary leh MLA eng emaw zat an tel bawk.
Chief Minister chuan, thalaite pawimawhna sorkarin a hriat thu a sawi a, "|halaite hi kan hnam ro, nakin lawka kan ram leh khawtlang hruaitu ni tur an ni a, sorkarin a ngaihtuah a, an mamawh phuhrûk turin tan a la mek a ni," a ti a; thalaite chu hmantlak ni tura inbuatsaih zel turin a chah.
Mizo thalaite chu hmanraw tha neih loh vang chauha infiamna lama khawvel déng chhuak lo an la nih thu sawiin Lal Thanhawla chuan, "A hmun leh hmanraw an neih theihna turin sorkarin theihtawp a chhuak mek a ni, " a ti a. Lammualah kumin chhung ngeia airtificial grass cheng vaibelchhe 3 vel sénga phah hman tum a nih thu leh, thlang lam panga pavillion chu sawn hlat deuh a, tihzauh tum a nih thu a sawi.
Chief Minister chuan, "Khawvela hmun ralmuang ber kan nih theih nan leh ram hmasawn chak kan nih theih nan thalaite an pawimawh a ni," a ti a; ram dang mi dan loa Mizorama awm, Mizoram eichhetute chu, neitu nihna rilru pua rinawmna leh dikna nen danin a phal chinah do turin kalkhawmte a sawm a ni.
Lal Thanhawla chuan, HIV/AIDS-in Mizoram a tuam hneh tawh hle tih sawiin, "Mizoram min rûn a, thalai mai ni lo, nu leh pa pawh an bâng tawh lo," a ti a; HIV/AIDS do turin thalaite'n theihtawp an chhuah a tul thu a sawi.
Inkhawm kaihruaitu, Health Minister Lalrinliana Sailo chuan, HIV/AIDS do chu mi tin tih tur a nih thu a sawi a, "HIV/AIDS tirêm tur hian theihtawp kan chhuah a tul tak meuh meuh a ni," a ti a, mipuite HIV/AIDS do turin chhia a chhamtir bawk a ni.
Khualzahawm, Sports Minister Zodintluanga pawhin, Mizo hnam dinchhuah duh chuan sualna chi hrang hrang huai taka an do a tul thu a sawi a; Red Ribbon Football chuan HIV/AIDS dona kawngah rah tha an tak a chhuah a beisei thu leh ruihhlo leh mipat hmeichhiatna tel loin nun hlimawm a hman theih thu a sawi bawk.
UNODC-a HIV Advisor (South Asia) Guna Shekhar leh NACO-a Regional Communication Officer, Phungreiso Varu te pawhin thu an sawi a, Red Ribbon Football chu ropui an tih thu leh player-te HIV/AIDS laka fihlîm tura intiam thahnem tak an awm chu lawmawm an tih thu an sawi a ni.
Tournament kharna inkhawmah hian Home Minister R.Lalzirliana pawh telin champion lawmman a sem a; Parliamentary Secretary leh MLA eng emaw zat an tel bawk.
