All Tribal Students' Union (ATSUM) chuan Manipur sorkar hnena an thil phut nawr nan June 3 aṭangin nawrh huaihawt a tum.

Assam Police chuan an department hnuaia thawkte hlawh police salary package hnuaia pek an nihna turin State Bank of India chu MoU a ziahpui.

Assam Chief Minister, Tarun Gogoi chuan Nilaini khan New Delhi-ah Congress President Sonia Gandhi a hmu.

Manipur Deputy Chief Minister, Gaikhangam chuan an state chhungah regional Passport office hawn thuai a ni dawn tih a sawi.

Tura Police-te chuan helpawl, GNLA leh ANVC-B hnena ralthuam pe ṭhin mi pariat chu Nilaini zing khan Tura bula Rongram-a Chibragre picnic spot-ah an man.

Vice President Hamid Ansari chu ni li cham turin Nilaini khan Uzbekistan-ah a zin a. Nimin khan Uzbek President, Islam Karimov nen Tashkent-ah an inkawm.

Nilaini khan Goa tuipui kamah km 290-a thui kap thei, BrahMos supersonic cruise missile chu hlawhtling taka kah chhuah a ni.

Prime Minister leh UPA chairperson-te chuan United Progressive Alliance (UPA) sorkar kum 9 tlinna puala inkhawm neihah UPA report card an tlangzarh.

Prime Minister Manmohan Singh chuan Gurgaon-ah nimin khan Indian National Defence University dinna tur lungphum a phum.

United Nations Secretary General, Ban Ki-moon chu Democratic Republic of Congo tlawhin a zin

US-a car siamtu lian, Ford Motor chuan Australia rama manufacturing plant a neihte chu kum 85 chuang zet a hawn hnuah, kum 2016 October-ah a khar vek dawn.

American writer, Lydia Davis-i chu Man Booker International Prize 2013 dawng turin Nilaini zan khan thlan a ni.

US President chuan Thawhṭanni-a thlipui tleh avanga chhiatna nasa tak thlenna, Oklahoma state khawpui, Oklahoma City chu Pathianni hian a tlawh dawn

Demi Lovato pawh hian Mizo zinga lar tak, tonsillitis a nei ve a, a buaipui ve viau ṭhin, mahse tunah chuan a tonsil nâ hi buaipui vak a ngai tawh lo, a paih fel tawh.

Asking Alexandria chuan album thar tihchhuah an tum thu an sawi a, an album thar tur hi From Death to Destiny a ni a, August 6 khian tlangzarh hman an tum.

Kanye West chuan Will Smith chu film lam chauh buaipui lo va, a hlawhtlinna leh a influence a zau zel zawk theihna turin music lam buaipui a, record turin thurâwn a pe.

English rock band, Mizoram thleng thlenga lar em em ṭhin Uriah Heep-a an bassist Trevor Bolder chu Thawhlehni khan cancer natnain a thi.

Real Madrid striker Gonzalo Higuain chuan Italian champion Juventus-a khelh a duh niin an sawi a, club pahnihte an indawr mek.

Liverpool chuan an striker manto Andy Carroll chu West Ham United lamah pound maktaduai 20 vel chawi belha hralh an rem ti ta.

Patling tak mai, kum lamah pawh upa tawh Jupp Heynckes hi Germany-ah pawh mi zahawm tak ni phak a ni a, football khemualah phei chuan an zah hle.

Indian football club lianin an inchuh luih luih hnuah Jeje Lalpekhlua chuan Dempo SC-a khelh a thlang ta a, an indawr fel tawh.

Aizawl District Foot­ball Asso­ciation buat­saih, NECS Cup boruak a sang chho a, team an tlem tial tial a, a dam chhun an thiam tual tual.