Naga buaina chinfel chungchangah thu awm rih lo: Nagaland CM

Nagaland Chief Minister leh Nationalist Democratic Progressive Party (NDPP) president, Neiphiu Rio chuan Naga buaina chinfel chungchangah thu a awm rih lo tih sawiin, Lok Sabha inthlan hma chuan hemi chungchang hi sawi a awm lo tih a sawi.

Neiphiu Rio chuan inthlan zawhah chuan buaina chinfelna chu an hmuh thuai a beisei thu a sawi bawk.

Pathianni-a People’s Democratic Alliance (PDA) sorkarin kum khat an tlin lawmnaa thu a sawinaah Rio chuan 

sorkar leh Naga mipuite chuan inbiakna kalpuitute hian enge an ngaihtuah tih an hriat loh thu a sawi. Naga buaina chinfelna a awm loh chuan Naga society tan chuan buaina lian tak a ni dawn tih a sawi a ni.

PDA sorkar hnuaiah hian Nationalist Democratic Progress Party (NDPP) MLA 17, BJP 12, NPP 2 leh JD(U) pakhat bakah Independent pakhat an awm a, kum 15 chhung sorkarna chang tawh  Naga People’s Front chu hnehin nikum khan sorkarna an siam a ni.

Rio chuan an thawhpuite thawlpna tel lo chuan sorkarna an siam thei dawn lo tih sawiin, an thawhpuite hnenah lawmthu a hrilh nghal bawk. 

Inthlan hma khan danglamna thlen an tiam tih sawiin, danglamna chu mipuite rilruah a thleng hmasa tur a ni, a ti. 



Share this Post

Login to comment
No Comments