Sorkarin AFSPA sut tumna a nei lo: Rijiju

Union minister Kiren Rijiju chuan Thawhlehni khan Parliament-ah sorkarin sawisel hlawh tak Armed Forces (Special Powers) Act, 1958 a kalpui mek chu hlih tumna a nei lo tih a sawi.

Lok Sabha-a zawhna siam a chhannaah Kiren Rijiju chuan tun dinhmmunah chuan AFSPA sut tumna a awm lo tih sawiin, AFSPA chu Assam, Nagaland leh Manipur (Imphal municipal area tel lo)-ah te hman a nih thu sawiin, Arunachal Pradesh-ah chuan Tirap, Changlang leh Longding district-ahte hman a nih thu leh Assam leh Arunachal inrinaa police station pariat huamchhungahte pawh hman a ni bawk tih a sawi a ni.

Minister of State for Home Affairs chuan Manipur leh Assam hmun ralmuang loa puangtu chu state sorkar a nih thu a sawi. Hetihlai hian Nagaland sorkar erawh chuan an state chu hmun ralmuang loa puan chhunzawma, AFSPA, 1958 hnuaia dah chhunzawm chu an thlawp lo niin a sawi.



Share this Post

Login to comment
No Comments