APPSC paper leak vangin AP zirlai ten kawngzawh

Arunachal Pradesh Public Service Commission (APPSC) mains exam candidate 900-te chuan Nilaini khan paper leak a awm nia sawi a awm avangin duh lohna lantir nan kawng an zawh.

Zirlai kawngzawh te hian mains exam-a zawhna chhuak te chu syllabus chhung ami ni lo a awm nual tih sawi bawkin Pakistan Service Commission exam zawhna copy-paste a nih thu te an sawi bawk.

2014 khan APPSC hi an lo mualpho tawh bawk a, paper leak a awm vangin an official panga an lo suspend tawh a ni. 2015 leh 2017-ah pawh khan question paper hi a leak leh niin an sawi bawk a ni.

Exam hmachhawn tur te hian exam hi boycott an tum thu an sawi a, exam question a leak nia sawi a awm avang hiahn rilru hahdam taka an exam theih dawn loh thu sawiin exam-a ṭhut pawh an tum lo tih an sawi.

Hetihlai hian AAPSC chuan candidate te chu exam tibuai lo tura ngenin an tibuai lui a nih chuan hun lo kal lehzel turah an exam an phal tawh lo maithei niin an sawi ve bawk.

Mains exam tur mi 700 vel chuan exam tihkhawtlai an dil nia tarlan a ni a, Guwahati High Court thutlukna hnuhnung ber tihchhuah a nih hnua exam conduct chauh turin an ngen nia sawi a ni.

Zirlai kawngzawh te hi police-te chuan water canon hmangin hnawhdarh an tum niin report chuan a tarlang bawk.

Assam Pradesh Congress Committee president Takam Sanjoy chuan an party chuan thil awmdan uluk taka an thlir hnuin mains exam chu ṭhulh hrih a, dik tak leh felfai taka exam a thar hlaka buatsaih ṭha leh turin an duh tih a sawi. Team thar hlak awmna Arunachal Pradesh Public Service Commission din an ngiat bawk tih a sawi.



Share this Post

Login to comment
No Comments