Coal Scam: Meghalaya Chief Secy hlui kum 3 tang turin hrem Cheng 50000 chawi dawn bawk

Delhi Court chuan Nilaini khan Coal Secretary hlui H.C. Gupta leh sorkar official dang pahnih chu kum thum tang turin an lakah thutlukna a siam a, hemg mi pathum te hi coal thubuaiah thiam loh chantir an ni.

Court chuan 'white collar crime' chu pawikhawihna satliah aiin a hlauhawm fe zawk niin an sawi bawk.

Thiamloh chantir zingah hian Meghalaya Chief Secretary hlui KS Kropha pawh a tel a, kum sarih thleng pawh lungin tantir theih a nih thu court chuan an sawi. CBI Special Judge Bharat Parashar pawhin Gupta hi cheng singnga an chawitir bawk a, ani bakah hian K.S. Kropha leh K.C. Samria te pawh pawisa chawitir an ni ve bawk a ni.

Hetihlai hian court chuan sorkar official-te hi bail in a chhuahtir hrih a, intiamkamna siamtirin cheng nuai khat ṭheuh security-ah an dah.

Delhi court chuan official-te hi High Court-ah an thubuai appeal a phalsak a, mahse ram pawna kal erawh a khapsak. Anni bakah hian Vikash Metal and Power Ltd (VMPL) Managing Director Vikash Patni leh authorised signatory Anand Mallick-te pawh thiam loh chantir bawkin kum li chhung tang turin a hrem bawk.

Court chuan Patni hi cheng nuai 25 a chawi tir bakah Mallick hi cheng nuai hnih a chawitir bawk a ni.Thuchhuah an siamah 'white collar crime' chu pawisa tam tak channa anih avangin pawikhaihna dang aiin an la thutak zawk hle tih an tarlang.

Kar hmasa khan Delhi Court hian heng mi panga te leh an company te hi thiam loh a lo chantir tawh a, VMPL duhsak vang hian West Bengal-a Moira-Madhujore coal an lo block sak niin an sawi.



Share this Post

Login to comment
No Comments