Asom Gana Parishad leader Hafiz Uddin kaphlum

Assam-a Asom Gana Parishad leader Hafiz Uddin chu Thawhṭanni zan khan misual tu tih hriat loh ten Bongaigaon district-a Gonobinna-ah an kaphlum.

Hafiz Uddin hi Bhandara gaon panchayat area-a AGP hruaitu niin kum 50 mi a ni tawh a, tunṭum panchayat inthlanah hian a hriselna lam ṭhat tawk lohna avangin a in candidate lo thung.

Uddin hi Thawhṭanni khan a chenna aṭanga km 12 vela hlaa awm a chhungte in Goalpara-ah a kal a, chaw te eiin a haw leh lam Gonobinna-a cultural night hmang tura a kal chu misual tu tih hriat lohin a lo kaphlum a ni.

A kaphlumtu hi thim thamah a tlanbo zui niin an sawi.

Hafiz-a ruang hi tualchhung mite chuan hmu in a chalah silaia kahna hnu a awm tih an sawi a, National Highway 31-a Gerukabari police outpost-ah an hriattir a ni.

Bongaigaon superintendent of police Hridayjit Barman chuan report an hriat velah an kal nghal tih sawiin rinhlelh thil thuah Bhandara mi Dilwar Ali (38) chu an man tih a sawi. 



Share this Post

Login to comment
No Comments