Meghalaya leh AP in pawisa chawi

Supreme Court chuan Thawhlehni khan mid-day meal scheme detail report tarlan loh vangin state panga hnenah cheng nuai khat ṭheuh a chawitir a, heng state zingah hian Meghalaya leh Arunachal Pradesh pawh an tel.

SC in pawisa a chawitir te hi Andhra Pradesh, Arunachal Pradesh, Meghalaya, Odisha leh Jammu and Kashmir-te an ni a, kar li chhungin Supreme Court Legal Services Committee hnenah juvenile justice issue atan thehlut hman turin court chuan a hriattir.

Antarrashtriya Manav Adhikaar Nirgraani Parishad PIL thehluh vanga thupek hi tihchhuah an ni a, Parishad hian scheme kalpui danah thil fel tawk lo a awm nia sawiin PIL hi a thehlut a ni.

Court chuan mid-day meal scheme chu naupangte tana thil ṭha tak a nih thu an sawi a, hemi anih avang hian state hrang hrang te chu thawhpuia an data pawimawh te hmuh theih tura upload tura an hriattir thu a sawi a, mahse thupek an tihchhuah hnuah pawh state ṭhenkhat chuan an thawhpui ṭha duh lo niin an sawi.

Court chuan scheme chu state ṭhenkhat chuan an la thutak lo hle tih sawiin data pawh an nei ṭha lo tih an sawi a, naupang chawchhun ei tur ṭhenkhat naupangte hnen thleng lo a awm nual niin an sawi bawk.

SC chuan Andhra Pradesh, Arunachal Pradesh, Meghalaya leh Odisha-te chuan mid-day meal scheme chu ṭha taka an kalpui tawh dawn thu sawi mah se thla khat dawn liam hnuah pawh hmasawnna an hmu lo niin an sawi a ni.



Share this Post

Login to comment
No Comments