Kum tlinglo pawngsual thubuaiah Nagaland pastor man

Assam-a Karbi Anglong district-a hmeichhe naupang kum 10 mi pawngsuala puh Nagaland pastor kum 60 mi chu Thawhṭanni khan police ten an man.

Nagaland pastor hi Chandra Kumar Pradhan a ni a, October 29 khan hmeichhe naupang hi a in bula huana a pawngsual hnuah a tlanchhia niin police te chuan an sawi.

Sub-divisional police officer (Bokajan), Swetank Mishra chuan hmeichhe  naupang hian a nu leh pa te hnenah pawngsual a nih ni hian engmah a sawi lo tih a sawi a, October 31 khan FIR pawh an thehlut chauh niin a sawi a ni.

Mishra chuan pastor hian a awmna a thlak nasa hle tih sawiin Kohima district-a hotel pakhat aṭangin an man tih a sawi.

Pradhan-a lakah hian pawngsual thubuai thehluh nghal a nih thu a sawi bawk.

Hmeichhe naupang pawngsual a nih lai hi mi pakhat kum 35 miin a lo record niin an sawi a, social media lamah a upload nghe nghe. Hemi avang hian man a nih thu police te chuan an sawi bawk a ni.



Share this Post

Login to comment
No Comments