NSCN(K) hel panga lakah NIA in chargesheet file


National Investigation Agency chuan National Socialist Council of Nagaland-Khaplang (NSCN-K) mi panga lakah Meghalaya court-ah charge-sheet an file tih official te chuan Thawhlehni khan an sawi.

Chargesheet hi Gaisinglung Meiringmei, Khamjang Rongmei, Dimchuingam Ruangmei, Ganthoulung Rongmei leh Tanthaoliu Gonmei te lakah Thawhṭanni khan file a ni a, Guwahati NIA in chargesheet hi an file a ni.

Bharti Infra Projects Limited hnathawk an rukbo avangin heng mi panga te lakah hian chargesheet file a nih thu tarlan a ni a, Meiringmei phei hi chu NSCN-K-a Deputy Secretary Revenue a nih thu an sawi. Ani hi May 13 khan Meghalaya police-te chuan  West Jaintia Hills district-a Mookyniang, Khiehtyrshi area-ah an man tawh nghe nghe.

Meiringmei thu an zawhfiahna aṭang hian midang pali pawh hi man an lo ni tawh bawk a, an hnen aṭang hian pawisa eng emaw zat an man bawk.

NSCN-K hian an mi man hi May 12 khan cheng nuai 25 pek an nih hnuah an chhuah a ni. Mahse heng hel pawl te man an nih hnu hian cheng nuai 15 vel chu an hmu let leh nia sawi a ni a, an lakah hian thubuai ziahluh nghal a ni.



Share this Post

Login to comment
No Comments