Meghalaya CM in school enfiah

Meghalaya Chief Minister Conrad K Sangma chuan Thawhlehni khan Shohphria Government Lower Primary School, West Khasi Hills-a  Nongstoin-a awm chu a enfiah. 

He school hi tunhnai lawka Chief Minister thla khat leh a chanve hlawh, cheng nuai 3.14 hmanga cheiṭhat a ni.

Shohphria Government Lower Primary School hi kum 1956-a Presbyterian kohhran din a ni a, Assam aṭanga Meghalaya din a nih khan Meghalaya sorkar in a enkawl zui a ni. He school hi chu kum 20 vel chhung chu ngaihthah a ni tawh a, a bang chhia te pawh siamṭhat a nih loh bakah chung pawh a nei mumal tawh lo a ni.

Hemi a nih avang hian thla hmasa khan Chief Minister Sonowal chuan school hi cheiṭhat a nih theih nan a hlawh a thawh dawn thu a sawi a, school hi cheiṭhat a ni ta a ni. Sonowal chuan Thawhlehnia school a tlawhnaah hian cheiṭhat a nih dan chuan a lung a tihawi thu sawiin school chu a chhawmdawl chhunzawm zel dawn thu a sawi.

Chief Minister chuan zirna chu an state ṭhalaite leh naupang te tana thil pawimawh tak a nih thu sawiin he school din ṭhat lehna kawnga hma a lak chhan pawh hi legislator, sorkar official-te leh sumdawng mite tana chona a nih a beisei vang tih a sawi bawk. 

Naupangte hmasawnna leh ṭhanlenna kawnga ṭanpuina an pek theih chuan naupangte nunah danglamna nasa tak a thlen thei a ni, a ti.

CM Sonowal hian zirlaite kawmna hun a hmang bawk a, zirtirna hun te a hmang ve nghal bawk a ni.



Share this Post

Login to comment
No Comments