Manipur CM in hmarchhak state te insuihzawm ṭhat pawimawh ti

Manipur Chief Minister N. Biren Singh chuan hmarchhak state-te chu ṭha taka inzawmkhawm ṭhat a inlungrualna neih a pawimawh thu sawiin, "Kan danglam chunga kan inpumkhatna thlarau hi kan chawisan zel a ṭul a ni",  a ti.

Manipur CM hian Arunachal Pradesh-a East Siang district-ah ni li awh tur Adi Community-te kut  Solung Festival hawnna a nei a, hetah hian Arunachal leh Manipur chuan hnam tihdan phung hausa tak an neih thu sawiin an hla leh an thil lawm dan te chuan state pahniha tribal community-te tihdan phung a tilang niin a sawi.

Manipur-a Sangai Festival neih turah Arunachal cultural troupe-te chu hun hmang turin a sawm nghal bawk.

Biren Singh chuan Arunachal Pradesh chu ramchhunga state hmasawn chak ber te zinga mi a nih thu a sawi a, Khandu chu a inpekna, a tihtakne leh a thawhrimnaah te a fak bawk a ni.

Singh chuan Arunachal chuan kum hnih chhung lekin hmasawnna nasa tak an nei tih a sawi a, Manipur tan chuan umphak an har dawn hle niin a sawi.

Arunachal Pradesh Chief Miniser Pema Khandu chuan an kut hmanpui tura Manipur Chief Minister leh  Deputy Speaker K Robindro an tel thei chu lawmawm a tih thu sawiin state  pahnih leh an unau state te inkara inkungkaihna ṭha tak awm chu chhunzawm zel a nih theih nan hma an la dawn tih a sawi a ni.



Share this Post

Login to comment
No Comments