Oct-ah Bogibeel Bridge enfiah dawn

Assam-a Dhemaji leh Dibrugarh district inkara lei dawh, Bogibeel Bridge km, 4.94 zeta thui chu Commissioner of Railway Safety chuan October kar hnihna velah hian an enfiah tawh dawn thu an sawi.

He lei dawh hna hi 2002 khan ṭan  a ni tawh a, India ramchhunga railway-cum-road bridge sei ber a ni dawn a ni.

Lei enfiah theih a ni tawh tih hi Chairman of Railway Board (CRB) Ashwini Lohani hnenah NF Railway General Manager Sanjeev Roy chuan a hriattir.  Bogibeel Bridge chungchanga review meeting hi Thawhṭanni khan neih a ni tawh a, review meeting-ah hian zonal railway General Manager zawng zawng te chu video-conferencing hmanga biak pawh vek niin an hna thawh hrang hrang te an sawiho nghal bawk. 

NF Railway General Manager chuan broad gauge line track siamṭhat ngai km 288 vel a awm thu sawiin heng bakah hian km 192 vel chu a gauge thlak a ngai tih a sawi a,  broad gauge line km 95 vel chu tun financial year chhung hian siam thar a ngai tih a sawi bawk a ni.



Share this Post

Login to comment
No Comments