AP: Indo-ASEAN car rally vai liam

Arunachal Pradesh Sports and Youth Affairs Minister Mohesh Chai chuan Nilaini khan Tawang-ah Indo-ASEAN Friendship Car Rally a vai liam.

Indo-ASEAN Friendship Car Rally hi Gaden Namgyal Lhatse Monastery aṭangin an tlanchhuak ṭan a ni.

Minister chuan hemi hmang hian Tawang chuan hun lo kal lehzel turah khualzin mite a hip dawn niin a sawi. 

Car Rally hian Myanmar, Thailand, Laos leh Cambodia-te ni 24 chhungin an paltlang dawn a, India leh ASEAN ram te inkara inkungkaihna ṭha awmtir chu rally tum bulpui ber a ni a, hemi bakah hian khualzin leh insumdawn tawnna chawisan chu an tum pakhat a ni bawk.

He rally-ah hian Thailand ram aṭangin car 11 leh mi 28 lo kal in September 9 khan Tawang an thleng tawh a ni. India team-ah hian mi 38 awmin Russia mi pathum an tel bawk a, India team pawh hian car 11 an hmang dawn a, Tata Motos chuan he event hi a sponsor  a ni. Doordarshan sports channel chu media partner niin  Indian Oil Corporation chuan an fuel man km 7000 chuang an tlanna tur chu an tum thung.

Car rally hi Arunachal Pradesh sorkar bultum niin  Ministry of Tourism, Ministry of Youth Affairs and Sports leh Ministry of External Affairs bakah Commercial Affairs of the Royal Thai Embassy, New Delhi-te chuan Arunachal sorkar hi an thawhpui a ni.



Share this Post

Login to comment
No Comments