Assam-ah tleirawl pariat chhanchhuak

Assam-a Sapekhati Police-te chuan Nilaini-a thuchhuah an siamah, Thawhṭanni khan  Sivasagar railway station-ah tleirawl pariat chu mihring hmanga sumdawn hmang te hnen aṭangin an chhanchhuak tih an sawi.

Police-te chuan Brihattar Asomiya Yuba Mancha (BAYM) activist-te chuan an puih thu a sawi.

BAYM activist te leh police-te chuan tualchhung mi te hnen aṭangin heng tleirawl pariat te hian harsatna an tawk tih an hriat thu an sawi ve bawk a ni.

Heng tleirawl pariat te ruk bo chungchanga inhnamhnawih ber erawh a tlanchhiat hman thu tarlan a ni a, tleirawl te pawh hi an nu leh pa te hnen thlen an nih tawh thu leh an hriselna te pawh enfiah a nih tawh thu tarlan a ni bawk.

Tleirawl pariat te hi chhungkaw rethei tak tak te an ni hlawm a, ruk bo tumtu hian hna ṭha tak leh lehkha zirtir te tiamin an khua aṭangin a hruaichhuak a ni.



Share this Post

Login to comment
No Comments