Nagaland-ah AR leh NSCN (IM) inkap, pakhat hliam

Nagaland-a Peren district-a  New Ngoulong khuaah Nilaini zing lamah khan Assam Rifles-te leh hel pawl National Socialist Council of Nagaland-Isak Muivah (NSCN-IM) te  an inkap a, Assam Rilfes sipai pakhatin hliam a tuar.

An inkah dan report kimchang hi tarlan a la ni lo a, hliam tuar pawh hi a na lutuk lo nia tarlan a ni bawk.

Sorkar laipui leh NSCN-IM hi Naga political issue chungchanga inremna siam turin vawi eng emaw zat inbe tawh mah se vawiin thleng hian inremna zawnga an inbiakna hi a hmawr an la bawk thei lo a ni.

Inbiakna hi kalpui reng mah se NSCN-IM leh sipai te hi a khat tawkin an inkap reng a, tunhnai lawkah pawh khan Longding district-ah Assam Rifle-te chuan NSCN-IM mi pahnih an kaphlum a ni.



Share this Post

Login to comment
No Comments