Meghalaya Cabinet in VIP official lirthei man bithliah siam tur pawm

Meghalaya Cabinet chuan Nilaini khan VIP leh state sorkar official te lirthei man tur bithliah chin siamsak tura rawtna awm chu a pawm.

Nilaini-a cabinet meeting an neih zawhah Deputy Chief Minister Prestone Tynsong chuan Governor leh Chief Minister-ten official-a an hman tur lirthei chu cheng nuai 40 man thleng an lei theihna turin bithliah an siamsak tih a sawi.

Dy CM chuan a hma chuan lirthei man hi bithliah a awm loh thu sawiin, sorkar chuan bithliah chin siam ṭhaa an hriat avanin hma an la zui ta tih a sawi bawk.

Tynsong chuan Deputy Chief Minister, Cabinet Minister-te leh Chief Secretary-te lirthei pawh cheng nuai 15 aṭangin nuai 20-ah bithliah an siam thu a sawi bawk a ni.

Dy. CM chuan chuan Additional Chief Secretary, DGP, Principal Secretary leh PCCF-te lirthei man turah pawh bithliah siam thar a nih thu sawiin cheng nuai 10 aṭangin nuai 12-ah tihsan a ni tih a sawi.

Tynsong chuan  All India Service-a Commissioner Secretary leh officer zawng zawng te pawh an lirthei man tur bithliah sak an nih thu a sawi a, cheng nuai 10 thleng an bithliah sak thu a sawi a, Secretary, Deputy Commissioners leh IGP-te lirthei pawh cheng nuai 9 an bithliah sak tih a sawi bawk.

Department hrang hrang head te chu cheng nuai 7.5-ah an bithliah sakin,  District level officer-te erawh cheng nuai 7-a bithliah sak an ni tih a sawi bawk a ni.



Share this Post

Login to comment
No Comments