Meghalaya CM in Tura water procject tur tlangzarh

Meghalaya Chief Minister Conrad K. Sangma chuan West Garo Hills-a Tura-ah water project kalpui a nih dawn thu sawiin, project atan hian cheng vaibelchhe 35 ruahman a nih thu a sawi bawk.

Tura Phase I leh II water supply scheme hnuaiah project hi kalpui a nih dawn thu sawiin, Union DoNER ministry hnuaia North East Special Infrastructure Development Scheme (NESIDS) chuan project kalpuina tur pawisa hi an tum dawn tih a sawi.

Project hi 2020 March-ah chuan zawh hman tum a nih thu sawiin, project hi zawh a nih hunah chuan tui in tur nitin liter maktaduai 23.42 chu Tura tan a awm dawn thu a sawi a, khaw mipui mi nuai 1.8-te chu tui inturah an hnianghnar dawn hle tih a sawi bawk.



Share this Post

Login to comment
No Comments