AP: NEHU researcher-ten thlai species vang tak hmuchhuak

North-Eastern Hill University (NEHU), Shillong researcher-te chuan Arunachal Pradesh-ah thlai species vang tak a hmuchhuak.

An thlai thar hmuhchhuah hi Petrosavia sakuraii niin, thlai species vang lutuk mai a nih thu an sawi. Japan, Taiwan leh South China-a ramhnuai hmun hnawngah an awm ṭhin a, India ramah phei chuan vawikhat hmuh a nihna a ni.

He thlai hi Japanese botanist Tomitaro Makino chuan 1903 khan Japan-ah hmuchhuakin Miyoshia sakuraii tiin a hming a vuah a, 1934 khan  Petrosavia sakuraii tiin a hming hi thlak a ni. 

Nazir Ahmad Bhat, Centre for Advanced Studies in Botany, North-Eastern Hill University chuan Ralle Valley Wildlife Sanctuary-a pangpar awm dan vel an zirchian laiin thlai eng pakhat chu an lak thu sawiin uluk taka he thlai hi zirchian a nih hnuah Petrosavia sakuraii hi a ni tih an hriatchhuah thu a sawi. Nikum August 13 daih tawha an hmuchhuah tawh kha a nih thu a sawi bawk.



Share this Post

Login to comment
No Comments