Manipur minister fapa police in man

Manipur forest and environment minister Th. Shyamkumar-a fapa Th. Satyajit chu police ten an man a, ni thum chhung an kawl dawn a ni.

Th. Satyajit hian kar hmasa Zirtawpni khan a car in MG Avenue-ah police pahnih a su a, hemi avang hian Zirtawpni khan  Imphal West chief judicial magistrate court-ah hruai niin police kutah hian awm rih turin court chuan thutlukna a siamsak.

Satyajit hi kum 23 mi niin IPC under Sections 353 (criminal assault to deter public servants from discharging their duty), 279 (rash driving) leh 338 (causing grievous hurt by act endangering life or personal safety of others)-te hmangin thubuai siamsak a ni.

Mita hmutute chuan  Honda City car dum chak taka highway-a a tlan chu police car hian a um a, police lirthei dang pakhat chuan lo tihdin tumin a lo signal a, mahse car hi a tlan tlang lui zel niin an sawi. Hemi hnu hian police pahnih su leh in a tlanchhe zui leh a, car hi Shyamkumar quarter bulah a park zui a niin an sawi bawk.

Police-te hian Zirtawp zan khan complaint an thehlut nghal a ni.



Share this Post

Login to comment
No Comments